圈中靚媽丨Inez乳腺炎連日發高燒　梁諾妍進行通乳療程：由石頭變返做一個正常胸

洪永城跟太太梁諾妍（Inez）的第二個小千金於3月出世，誕B兩個月的梁諾妍堅持餵母乳，不過由於工作不定時，患上乳腺炎的她發高燒入院，認真慘慘豬！

梁諾妍搵通乳師幫忙

昨晚（5月9日）梁諾妍於IG限時動態透露已進行通乳療程，她寫道：「乳腺炎後續：好多謝所有朋友仔嘅問候？亦好多謝好多媽媽介紹通乳師俾我，然後我今日做咗一個竟然完全唔痛通乳treatment。」

梁諾妍坦言痛楚得以舒緩：「我最痛嘅右胸真係變魔術咁，由石頭變返做一個正常胸。」雖然梁諾妍已經退燒，不過乳腺炎持續，她續說：「右上胸係全腫全塞，仲好痛的。」

圈中靚媽丨梁諾妍因一事突然入院　胸部紅腫情況嚴重恐要開乳頭放膿

▼點擊圖片放大

+4

+3

寄語各位媽媽「泵清」母乳

上周日（5月5日）黃昏梁諾妍因持續高燒往醫院看急症，她於社交網透露：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」

最後梁諾妍寄語各位媽媽盡量親餵母乳，餵完最好再泵清：「千祈唔好好似我咁，辛苦到唔多識形容，個胸都痛到唔識形容。泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。腺炎真係打大佬，希望大家唔好經歷。」

▼點擊圖片放大

+5

+4

最新影片推介:

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5